انتفاضة شعب

عندما تعجز النفوس عن تحمل المزيد وتعجز الكلمات عن قول حقيقة الوضع او حتى وصف جزء منه تأتى الأفعال بما يثبت للعالم والنفوس وجود دليل على الحياة كما تقوم بإحياء الأمال واشعال كرامة النفوس لقول ما بداخلها من أسى ومعاناة وحتى ما بها من فرح وحب
هذا ما وصلت اليه مصر فى الايام الماضيه عندما بدء الامر بمجرد مظاهرة للمطالبة باهم وابسط الحقوق لدى شعبها الذى رأى انه قد نال كفايته من سوء الحياة

بدء الامر بمظاهرة الناس فى 25يناير بإعلان مطالبهم من الحكومه والمطالبه بتغيير او إصلاح النظام
لكن لم يقف الوضع عند مظاهرة سلمية تنادى بالحقوق بل تطور الى صراع كشف الكثير من الحقائق واوضح صور الفساد كما ايقظ النفوس للوصول الى الحق والتضحية بالارواح فى سبيله لحماية الحاضر وانقاذ المستقبل

من مؤيد ومعارض الكل يجاهد للوصول لهدفه لكن هل ستستمر هذه المعركة بأستنفازارواح شعب مصر وخيراتها
هل تستمر معركة التخريب والدمار اكيد هذا ما لا نتمنى حصوله
والكل يتمنى السلام والراحة لكن يجب اختيار الطريق الصحيح للوصول للهدف
وتحقيق الأحلام ووضعها على ارض الواقع

هل استمرار المجادله والتزاحم للسلطه هو الحل ؟؟

هل تكوين حكومة جديدة او تنحى الرئيس هو الحل؟؟

اتمنى الكل يشارك بأرائه ووجهة نظرة بالوضع
وان شاء الله نوصل لحلول تحقق العدل وترجع الراحة للنفوس من جديد بأوضاع أحسن من السابق

اولا شكرا ليكي علي طرح الموضوع
ثانيا الخوف دلوقتي من انو ميحصلش تغيير و لا حاجة ويكون الموضوع مجرد تنحي للرئيس و لكن دوام الفساد و عدم معاقبته المتسببين في الهرتلة اللي حصلت من انفلات امني وموت ابناء الشعب في مظاهرة المفروض انها سلمية
دا كان الخوف
اما الامل في ان مصر تكون بجد اتغير شعبها و بجد الناس تبدا تشتغل بجد علي ان مصر تكون من اهم دول العالم و ذات سيادة مش مجرد اكبر بلد في الشرق الاوسط تابعة لامريكا احنا لازم بجد نتغير من جوانا و بالذات الشباب علشان احنا بس اللي هنبني البلد دي و دي مش مجرد شعارات لكن فعلا ده الواقع اللي لازم كل شاب وشابة يفكروا هيعملوا ايه لاولادهم
شكرا مرة تانية ليكي يا ساحرة النور

شكرا على الموضوع وغير كدا مصر دلوقتي هي اكبر بلد والله انا عايشه بره وعارفه الكل بيشهد بمصر بتاريخ مصر وثورتها بقت الدنيا كلها تعملها الف احترام بس دا ميمنعش انها لازم يكون فيها تعديل وشكرا مره تانيه

العفوا دا من واجبى
ومشكوريين يا بنات على المرور الرائع , الموضوع نور بيكوا
ونرجوا يكون فى حل قريب لوضع مصر المتقلب بإستمرار
و نوصل لوضع مستقر إن شاء الله مع كل التغييرات والمؤامرات اللى بتحصل

مبروووووووووووووووووك لشعب مصر على الرئيس الجديد و ان شاء الله يكون بالخير على كل مصر و يساعدنا للتقدم و اصلاح مصر لتصبح احلى جنة
انتفاضة شعب 669275